Diplomat-მა საქართველოში საქმიანობა 2008 წელს, გამოწვევებით სავსე პერიოდში დაიწყო და ჩამოაყალიბა სრულად ქართული ორგანიზაცია ადგილობრივი ლიდერობით, კულტურის ღრმა გააზრებითა და მომხმარებლების, პარტნიორებისა და სავაჭრო არხების სიღრმისეული ცოდნით.
ამ ძლიერ ადგილობრივ საფუძველს ამყარებს ჯგუფის მრავალწლიანი გამოცდილება, თანამედროვე საერთაშორისო სისტემები და პროცესები, განვითარებული მიწოდების ჯაჭვი და პროფესიონალური მიდგომა. ეს მიდგომა საშუალებას გვაძლევს, დავეხმაროთ პარტნიორებს ზრდასა და ბიზნესის განვითარებაში, ხოლო კლიენტებს შევთავაზოთ გამჭვირვალე და პრაქტიკული გადაწყვეტილებები, რომლებიც მათ კონკურენტული უპირატესობის შექმნასა და ბაზარზე წარმატების მიღწევაში ეხმარება.
ჩვენ შესახებ
საქართველო: ადგილობრივი გამოცდილება, გლობალური სტანდარტები
ჩვენი სადისტრიბუციო ინფრასტრუქტურა მოიცავს სტრატეგიულად განთავსებულ ორ ფილიალს — თბილისსა (აღმოსავლეთ საქართველო) და სამტრედიაში (დასავლეთ საქართველო). თბილისის ფილიალი აერთიანებს 12,300 კვ.მ ფართობის თანამედროვე სადისტრიბუციო და ლოგისტიკურ ცენტრს. თანამედროვე სასაწყობე ინფრასტრუქტურითა და განვითარებული ლოგისტიკური შესაძლებლობებით აღჭურვილი ცენტრი უზრუნველყოფს მარაგების ეფექტიან მართვას, ქვეყნის მასშტაბით დისტრიბუციასა და საიმედო მომსახურებას. ამ ინფრასტრუქტურაზე დაყრდნობით, წამყვან საერთაშორისო და ადგილობრივ ბრენდებს ვთავაზობთ საქართველოს მასშტაბით სრულ საბაზრო დაფარვასა და მსოფლიო დონის სადისტრიბუციო გადაწყვეტილებებს, რომლებიც საქართველოს FMCG ბაზრის მოთხოვნებსა და სპეციფიკას სრულად შეესაბამება.
